El Mercenario, de Vicente Segrelles

Descargar tomos 1-7

Resúltame moi curioso que un ilustrador tan  consolidado como Vicente Segrelles, que fixo infinidade de ilustracións para manuais técnicos e portadas para libros sobre armas, materiais, arquitectura, fixera un cómic.
Debido á técnica utilizada para a ilustración do cómic, 13 números de El Mercenario lle levou 20 anos facelo. Xa en sí é todo un record, pero o incrible é o resultado final.

El Mercenario é un cómic inusual, único, diría eu. Cada viñeta está exquisitamente feita e ainda que ao mellor o ritmo non é todo o fluido que debería (é a súa primeira incursión no mundo da historia ilustrada), esa falta de "profesionalidade tebeística" (acabo de inventar este palabro) queda total e absolutamente desculpada pola beleza das súas viñetas.

Descargar tomos 8-13

Xa é chungo controlar a técnica da pintura ao óleo, pero facer un cómic enteiro con esa técnica é acolloante. E tamén moi traballoso. Polo que parece, esa foi a razón de rematar con 13 números a serie "El Mercenario".

A serie ten os seus puntos fortes e tamén febles, claro. A falta de ritmo nalgúns capítulos e ao mellor a temática, xa que a serie se ambienta nun mundo máis aló das nubes, no que os cabaleiros equivalentes aos da nosa idade media loitan a lombos dun animais semellantes a lagartos xigantes con ás, coma os dragóns das lendas. Debido a isto, a figura feminina está reflectida dun xeito un tanto discriminatorio, ainda que no contexto no que se desenvolve a historia (nunha época semellante á idade media) pode ser comprensible eses núos femininos e ese rol discriminatorio (agás, iso sí, Nan-tay, coprotagonista feminina da serie, xunto co mercenario).

Deixo tamén o enlace á páxina oficial do ilustrador Vicente Segrelles, na que podedes deleitarvos na súa obra ao longo de un montón de anos.

Creo que os libros de "El mercenario" están esgotados, pero é un privilexio poder lelos. Aquí vos deixo as portada de cada uno dos números.