Esbardalladas.blogspot.com non se responsabiliza das opinións verquidas polos autores das entradas nin dos comentarios que poidan xurdir das mesmas


1/7/14

Raid de Orro-Culleredo (28/06/2014)

Unha vez máis, formando equipo cos Foghetes Raid, nos fumos ata Culleredo o pasado fin de semana para disputar o RAID DE ORRO.

O raid, así a priori, non tiña aparente dificultade. 3 seccións, a primeira de 18 km a pé recollendo as balizas en orde libre, a continuación 35 km en BTT (cun desnivel de 1400 m, iso si...)  e para rematar unha sección de ORI-PE con unha sección pequena dentro da propia sección, de ORI específica (cambio de mapa e de escala).

Ben, xa digo, non había kaiak nin probas especiais, e parecía un raid preparado para equipos moi físicos. Ademáis, polo horario que se manexaba desde a organización, en vez de darnos as 10 horas que normalmente conceden para finalizalo, neste caso, o raid remataba ás 19.00 h, polo que tiñamos 1 hora menos.

O asunto é que se fixo realidade unha frase acuñada por roberto; "non hai raid fácil, hai que facelo" e así foi.

Saímos á primeira sección Carlos e eu, un trekking para recoller 24 balizas en orde libre. Nos levou bastante facelo, e a complicación foi a orientación en dúas balizas, que nos despistamos e andivemos case media hora detrás de cada unha. Ao final, todo picado en 3 horas e media.

Despois, Carlos descansou para poder facer a 3ª sección, e saín con Roberto en bici. Por diante, 35 km con un desnivel importante, subindo ao monte Xalo. "Só" había que picar 13 balizas, pero despois de case 4 horas, volvimos a meta con 5 picadas. Qué pasou? Ben, para empezar, dicir que eu non son ningún portento, nin correndo nin en bici. Pero case son peor en bici. E tivemos que facer varios porteos que me deixaron sen folgos. Entre o meu ritmo de pedaleo e, todo hai que dicilo, un mapa DESACTUALIZADO, con pistas que aparecían na realidade, pero no mapa non estaban, a orientación se fixo extremadamente dura, polo que optamos por ir voltando a meta sen facer todas as balizas. E ainda nos levou un pedazo voltar, pero preferimos facelo así para poder aproveitar un pouco a última sección e tentar endereitar o raid.

Despois da sección BTT, sairon Carlos e Roberto correndo para tentar pillar 9 balizas na última sección, das cales colleron 6. Chegaron a meta con 7 minutos de marxe antes do peche. Creo que xa me vou acostumando a ese estrés que produce ver cómo van chegando todos os equipos, vai quedando menos tempo, chegan máis equipos, vai quedando menos tempo, vai quedando menos, e ao final, chegan...

Ben, o tema foi que entraron en tempo e ao final, na clasificación quedamos 16º de 23 equipos de aventura.

Impresión persoal? Non hai raid fácil, hai que facelo... Gran frase que describe o que nos pasou.

Unha pequena crítica, espero que constructiva, que fago desde aquí á organización do RAID. Creo que hai pequenos detalles que melloran moito o aspecto tanto visual como de comodidade dunha carreira destas características: por exemplo, ter unha zona de boxes máis ou menos delimitada, ter espazo suficiente para poñer os coches preto dos cambios de sección, ter os mapas actualizados (isto é capital se queres que a xente, cando remate unha sección non se che bote á gorxa...), unhas DUCHAS ao rematar o raid..

En fin, podería ter ido peor, pero ao final, me quedo, como sempre, coa alegría de ter rematado outro raid, e sobre todo da xente, dos do equipo por suposto, pero tamén do resto de competidores. Pasamos moitas horas polo monte adiante, e a verdade é que anima moito que cando alguén pasa por diante túa, salude, anime, pregunte se necesitas algo ou te invite a unha barriña enerxética mentres picas unha baliza.

Agora o seguinte raid será o de PontevedRAID en setembro, no que estaremos na organización e despois o RAid de Arzúa, a finais de setembro. Seguiremos informando.
Os Foghetes despois do RAID de Orro

2/5/14

RAID TERRA DE FRADES (26/04/2014)

Despois de un monte de meses sen competir nun raid, o pasado sábado 26 de abril de 2014 participei como integrante no equipo dos Foghetes no RAID TERRA DE FRADES, organizado polo Club SEO de Ordes.

O raid estaba conformado polas seguintes seccións.
1º orientación urbana especial de 6 km
2º BTT de 34 km
3º trekking de 13 km
4º Rogaine de 75 km!!

En fin, que moi boas espectativas non levaba para o raid, en parte por participar nun equipo xa conformado desde hai anos, como son os Foghetes Raid de Roberto, Saba e Carlos (co que xa participei na liga pasada no RAid de Arzúa), e en parte por unha mini-lesión (unha rotura de fibras) no xemelo dereito que me leva rota a cachola desde outubro...

De camiño a Pontecarreira (lugar da saída e chegada de tódalas secciós do raid, xa que se fixo en bucle), decidimos que na primeira sección sairían Roberto e Saba. NOn por nada especial, senón porque tiñamos que conformar as seccións de tal modo que coincidisemos Roberto e eu nas de Bici, polo que, un dos dous tería que facer 3 seccións seguidas.

E xa postos a facer 3 seccións seguidas, eu pensei que prefería estar reventado fisicamente, pero ter a Roberto o máis fresco posible para orientar (non sei se aos demáis lles pasa, pero eu, cando vou canso, xa nin miro o mapa. As liñas confúndense e sempre, sempre me parece que a mellor opción para chegar a unha baliza é ir costa abaixo...)

Total, que ás 9.55 h saiu roberto a memorizar o mapa da 1ª sección, con 9 balizas. Esa era a sorpresa que nos tiña preparada a organización. A ORI da 1ª sección se facía de memoria... Pero Roberto e saba chegaron coa maioría de equipos con todo picado, así que por ese lado, perfecto!

 Entrementres eu fixen 2 das 3 probas especiais que se podían facer ao longo do día. Unha das probas consistiu en tentar camiñar sobre zancos facendo un 8 entre dous conos. Tiñas 3 intentos, pero eu só cheguei á metade do 8... Na outra proba, o obxectivo era tocar coa man dúas balizas situadas en distintos puntos dun circuito de cordas entre as árbores do parque onde estaba a entrada e saída do raid. SE tocabas as dúas balizas sen caer, 2 puntos. E aí me sentín como na casa...

Cando chegaron Roberto e Saba da primeira sección, saímos para a bici Roberto e eu. A verdade é que Roberto estivo fortísimo todo o día.. Me levou disparado de baliza en baliza. DA gusto ir con alguén que orienta con tal (aparentemente) facilidade. Fixemos a 2ª sección ben de tempo e picando todo.

Mentres andabamos nós na bici, SAba aproveitou para facer a 3ª proba especial, que era tiro á Chave. Tiña que darlle 2 veces en 4 intentos, e a piques estivo de logralo, pero só lle deu unha vez.

Cando saímos para o trekking, eu xa sabía que ía ter calambres, polo cambio de bici a correr. Cómo admiro a Gómez Noya e ao resto de xente que fai duatlón ou triatlón. A mín ese cambio me mata... Ademáis, optamos por picar unha baliza que estaba ao outro lado do río, polo que me tiven que quitar case toda a roupa, e cruzar o río (que levaba bastante corrente) para picar a baliza. Facía bo día, así que para cando rematamos a sección de trekking xa estaba de novo seco..

E saímos para a última sección Roberto e eu. Unha sección de 4 horas de duración máxima, con posibilidade de picar ata 62 balizas e 75 km posibles de percorrido. Nós fixemos 36 puntos en balizas, e percorrimos aprox. 36 km... E a verdade é que chegamos a este punto, eu só quería rematar en tempo o raid. E nos sobraron 4 minutos!!!!

Ao final, e grazas á planificación de Roberto no Rogaine (que é como se chama á ese tipo de sección das carreiras e orientación), logramos unha boa clasificación, 9º de 31 equipos en categoría aventura, empatados a puntos cos 6º clasificados, e 3º en equipos mixtos de aventura.

Noraboa aos Foghetes e grazas por deixarme participar!



27/1/14

España, entre o ceo e a terra. imprescindible

España, entre o ceo e a terra
Serie documental que recorre a xeografía peninsular desde o aire co obxectivo de resaltar aspectos xeográficos, históricos e culturais.
Durante os tres meses de rodaxe, o equipo contou coa última tecnoloxía e recorreu todalas autonomías.


01 - El norte del camino (Gipuzcoa, Vizcaya y Cantabria)
http://youtu.be/daz_ELj-GI4
02 - Camino de perfección (Cantabria, Asturias, Lugo y La Coruña)
http://youtu.be/Z0Zv_wTOHr4
03 - El Canto De Orfeo (Pirineos - Gerona, Barcelona y Lerida)
http://youtu.be/eRc4uLZ2PLk
04 - Picos De Leyenda (Pirineos - Huesca)
http://youtu.be/G57NjwBrwb8
05 - Valles Misteriosos (Navarra y Gipuzcoa)
http://youtu.be/Gj86vhiKacI

06 - Galicia, donde da la vuelta el aire (Pontevedra - La Coruña)
http://youtu.be/QPyUYNk-beU
07 - El mundo más allá del fin del mundo (La Coruña)
http://youtu.be/fN-Z9GE7DH4
08 - Pazos, Señores, Reyes y Brujas (La Coruña y Lugo)
http://youtu.be/aO45UdXaovk
09 - La Mancha, por los siglos de los siglos (Toledo, Ciudad Real, Cuenca y Albacete)
http://youtu.be/vhU7fuSY6ZM
10 - Tajo, Río mayor de España (Río Tajo - Cuenca, Guadalajara, Toledo y Madrid)
http://youtu.be/jbxSnFe_sWY
11 - La canción del Tajo (Toledo, Talavera de la Reina y Cáceres)
http://youtu.be/BHkjCklmuZo
12 - En el nombre de Íbero (Cantabria, Burgos, La Rioja y Alava)
http://youtu.be/IrGsGAo4dEA
13 - Padre Ebro (Río Ebro - Navarra, Zaragoza y Tarragona)
http://youtu.be/h-MkGHBMo-8
14 - Un río de leyendas (Soria y Burgos)
http://youtu.be/YZvb0jAaftI
15 - Susurrando Romanceros (Río Duero - Valladolid, Zamora y Salamanca)
http://youtu.be/U1Cm8Gxmo_c
16 - Entre Olivos (Andalucía - Río Guadalquivir - Jaén y Córdoba)
http://youtu.be/oxLHGX4ux8E
17 - Hacia las marismas (Córdoba y Sevilla)
http://youtu.be/gW4jdM-zTr4
18 - El Río de las Nieves (Andalucía - Río Genil - Granada, Sevilla y Córdoba)
http://youtu.be/eFsFJSHL4Sw
19 - Una costa muy brava (Costa Mediterránea - Girona, Barcelona y Tarragona)
http://youtu.be/GeVwt55RSGs
20 - Con Mar de Levante (Castellón, Valencia y Alicante)
http://youtu.be/dKLo1k9NBvM
21 - El sur también existe (Murcia, Almería, Granada y Málaga)
http://youtu.be/qJ9RgKh6ERY
22 - El sur del sur (Cádiz, Ceuta y Melilla)
http://youtu.be/0AX-rEQQY6k
23 - La dama del Mediterráneo (Baleares - Mallorca)
http://youtu.be/JQvDFuEH1FI
24 - Las islas de la luna (Baleares - Menorca, Cabrera, Ibiza y Formentera)
http://youtu.be/mxqaeVekX28
25 - La tierra de los bienaventurados (Canarias - Hierro, La Palma, Gomera y Tenerife)
http://youtu.be/jHPBGRqWuiw
26 - El jardín del paraíso - (Gran Canaria, Fuerteventura y Lanzarote)
http://youtu.be/i63GFqwG2GE

12/12/13

Calcetíns de lana estilo MILA

Calcetins de lana estilo MILA

As medidas que poño a continuación dan como resultado unhos calcetíns da talla 38-40 (Europa). As agullas que se usan son pequenas, de tamaño 3. Usaremos 4 agullas, normalmente 3 delas con puntos collidos e repartidos, e a 4ª agulla, para ir calcetando...


PASO 1: montar 60 puntos repartidos en 3  agullas pequenas e facer entre 15_18 voltas de elástico, 3 ptos dereito e 3 puntos revés. Con isto facemos o elástico.

ELÁSTICO


PASO 2: despois das 15_18 voltas, continuar todo o rato con punto do dereito ata un total de 15 cm (ollo, non 15 voltas, senón 15 cm!!). Despois deixar 21 puntos (aprox. 1/3 do número de puntos iniciais) nunha agulla sen calcetar (Descansando) e continuar calcetando os 39 puntos (2/3) restantes 1 volta ao dereito e unha volta ao reves durante 20 voltas.

PASO 3: repartir os 39 puntos en dua agullas. Deixar 10 a cada lado sen calcetar e ir menguando cos 19 restantes (do centro hacia os lados) do seguinte xeito. Na volta do dereito, calcetar 28 puntos. Cando falten 11 para rematar a volta (10 na agulla sen calcetar), pasar 1 punto sen calcetar, calcetar o seguinte (que está na agulla dos que descansan) e pasar o anterior por encima. Dar a volta e deixar 9 descansando. Na volta do revés, calcetar 28 puntos normal, e cando falten 11 para rematar, calcetar 2 puntos xuntos do revés. Asi vai formando o talón. En cada volta, quedará 1 punto menos en cada un dos extremos (10 puntos en cada extremo na volta 1, 9 puntos en cada extremo na volta 2, etc)



PASO 4: cando xa non queden puntos de menguar dos 39 (2/3) iniciais, deberian quedar 19. Agora hai que coller os puntos por cada lado ata chegar aos 21 puntos que deixamos sen calcetar arriba. Con isto lograremos facer o comezo do empeine, para pechar o círculo. Temos que coller os hilos dos puntos dos lados, todos xuntos, e imos calcetando ata completar 1 volta tendo as 3 agullas en redondo de novo. Dependendo das voltas que fixesemos, deberiamos ter ao final un circulo de algo mais de 60 puntos. Agora temos que estreitar algo a curva do empeine.


PASO 5: calcetamos unha volta enteira e cando toque empezar na agulla do empeine, debemos calcetar 2 puntos xuntos ao dereito, pero pasando a agulla de atras a adiante, collendo como primeiro punto o segundo na agulla. Iso para a parte dereita do empeine. Facemos o resto da.agulla do empeine ao dereito, e na parte esquerda collemos un punto, o pasamos sen calcetar e calcetamos o seguinte. Despois recuperamos o anterior e o pasamos enriba do calcetado (surjete?). Facemos isto durante 4 voltas ou asi, ata que teñamos un total de puntos de 55_58.


PASO 6: calcetamos seguido ao dereito durante 15 cm (CENTÍMETROS) dependendo do tamaño do pe.


PASO 7: Por último, para facer o remate da punteira do pé, repartimos os puntos entre 3 agullas, de xeito que queden o mesmo número de puntos en cada agulla. Entón, en cada principio ou en cada final de agulla, collemos 2 puntos xuntos, para ir diminuindo a calceta e rematar con 3 puntos, que pechamos e por fin ¡rematamos os calcetíns!


16/7/13

XESTEIRAID 2013 (CUNTIS, 13/07/2013)

Este sábado pasado tivemos a sorte de poder participar nun raid preto da casa (máis preto que outros os que temos ido). O XESTEIRAID transcurriu por terras de Cuntis, o que nos supuxo un desprazamento de menos de 1 hora desde a casa.

Iso xa axuda, pero enriba, tivemos o pracer de contar con animación durante o día da proba coa familia, xa que tamén se desprazaron ata alí para vernos correr, tanto Paula e os nenos como os pais de Iván.

Ainda que desta volta estabamos inscritos en categoría aventura, fixemos un élite (todos os membros fixemos todas as seccións) xa que so participamos Iván e eu como AROMÓN-OS SUÍDOS polo que non había forma de descansar entre seccións.

O Raid se presentaba duro a priori, pero conforme pasaron as seccións, a dureza xa se convertiu en imposibilidade de rematar picando tódalas balizas. Pero imos por partes:

- Sección 1. Carreira semiurbana con 12 balizas, de 7 km. Aquí saimos bastante enchufados e ainda que o tempo medio se establecía en 1 hora para facer a sección e nós fixemos 1h e 20 min, picamos todas as balizas. Eu non tiven sensación de poder andar máis rápido, ainda que houbo algunha que se nos resistiu. Probablemente o feito de que fose en SCORE (as balizas se recollen polo orde que consideres máis oportuno) produciu algún retraso, pero nada máis.

- Sección 2. BTT de 30 km, con unha pequena sección de BTT_Orientación dentro do mapa grande (para entendernos, había dous mapas, un xeral con todo o percorrido, pero que ao chegar a un punto, estaba en branco, e había que cambiar de mapa, xa que esa parte do percorrido tiña outra escala e outra simboloxía).

Aquí comezan os problemas que teño eu particularmente coa Bici. Para arriba non subo o que se di, nada. Iso, sumado a que a sección comezaba cun desnivel importante, fixo que empezaramos a acumular retraso. Ademáis, ao rematar a sección de BTT-Orientación e retomar o mapa xeral, nos faltaban 6 balizas, das cales 3 de elas estaban moi lonxe, e xa iamos algo pillados de tempo. Aproveitando que pasabamos preto duha das balizas que había que recoller á volta (xa que esta sección era LINEAL), volvimos cara a meta picando o resto das balizas, pero con 3 da sección sen picar.
Naquel intre pensabamos que podiamos compensar estas balizas picando unha baliza de 3 puntos na sección de kaiak, pero...

- Sección 3: Trekking de 16 km. Saímos a esta sección ás 14 h, aprox. Durante gran parte da mesma, fomos baixo cuberta vexetal, e menos mal, xa que o día non estaba para facer exercicio ao sol. Sección dura, dura (houbo un trekkin no raid desafío ferrol 2012 de 23 km que, polo menos a min, non me pareceu tan duro coma éste). Camiños moi pechados, vexetación altísima e sobre todo, unha sección LINEAL que non permitía acortar percorridos.
Aquí, de 12 balizas, deixamos 3 sen recoller, pero nos custou 4 horas rematar.

- Sección 4: BTT de 16 km e unha sección de kaiak de 6 km. Chegamos a esta sección con 2 horas de marxe para facela, pero os comentarios da xente a esa hora (18 h.) eran de tentar picar só as balizas da bici, xa que o kaiak levava facelo como 1,5 horas. E alá saímos, coa particularidade ademáis, de que as balizas nesta sección non estaban nun punto fixado no mapa, senón ao longo dun tramo de camiño que había que coller, e a baliza se supón que aparecía nalgún punto dese tramo.
Aquí teño que facer unha pequena crítica á persoa responsable dos mapas, e é que a sinalización do tramo polo que tiñamos que rodar tapaba parcialmente o mapa, polo que se nos fixo bastante complicado asegurarnos que iamos polo percorrido correcto (creo que non fumos o único equipo que se queixou neste senso).

En fin, que o kaiak desta volta nin o cheiramos. Para colmo, xa de volta cara a meta e con 20 minutos de marxe, a última baliza a picar non a atopamos, nin nós nin os 5 equipos que viñamos xuntos. Puido ser precipitación pola hora que era, ou cansanzo ou o que for, pero o caso é que non atopamos a baliza 47... e a verdade é que estaba, pero agochada, e non no camiño principal...

Aí queda a queixa, pero tamén é certo que houbo equipos que sí a atoparon.

En fin, un raid doblemente duro, polo trekking criminal de 16 km no medio do día e duro para mín polas seccións de bici. Moito teño que mellorar....

Pd. Me encantou que estiveran durante o día Iago, Martín e Paula, así como Suso e Mila. A verdade é que non podíamos pararnos moito entre sección e sección, ao ir só os dous (Iván e eu) pero é un gustazo chegar dunha sección e atoparte coa xente que queres, animando. Iso é impagable. Grazas!!


31/5/13

RAID MONFERO 2013 (25/05/2013)

Comezou a Liga Galega de Raids de Aventura 2013 este fin de semana pasado. Nós, por segundo ano, participamos co nome de AROMÓN-OS SUÍDOS pero nesta ocasión e acompañados de Patri, nos inscribimos en categoría ÉLITE.

Para os que non saibades moito de raids, dicirvos que a diferencia fundamental entre a categoría aventura e a élite, é que nesta última, os 3 membros do equipo fan TODAS  as seccións. Para iso, ademáis dos 3 membros que fixemos o raid, contamos coa inestimable axuda de Suso (o pai de Iván e ao mesmo tempo o meu sogro) que trasladou todo o material entre un punto e outro do raid.

As seccións do raid, que se desenvolvía no contorno das fragas do Eume, foron as seguintes:

- Sección 1: Trekking  de 8,5 km
- Sección 2: BTT de 16 km
- Sección 3: Treking+kaiak de 6 km + 4km
- Sección 4: BTT de 34 km
- Sección 5: Treking de 11 km

Todo o raid se fixo en scoring (a orde na que colles as balizas non importa), polo qué foi primando a forza coa que chegabas ás seccións á hora de coller todas as balizas.

Saimos ás 10:00 h, cunha peculiaridade que eu ata agora non vira nun raid. Os equipos élite e facían as seccións na orde na que están descritas, e os aventura de xeito inverso. Polo tanto, na saída houbo unha dispersión absoluta dos equipos, e case desde o principio fumos sós.
proba especial (rocódromo+tirolina)

Rematamos a 1ª sección cun sabor agredoce, ainda que só foron 4 balizas, nos quedou unha atrás, non sei cómo. Demos voltas, pero non chegamos a atopala. O que fixemos foi a proba especial (subir un rocódromo  e lanzarse en tirolina...) que bonificaba en tempo.

Na transición á segunda sección (BTT que nos levaría ao kaiak) tivemos algo de problema para sair, e eu tiven a sensación durante todo o raid de que se me estaba facendo "costa arriba". Non foi só unha sensación, xa que na 4ª sección (a outra BTT longuísima) os calambres me obrigaron a baixar da bici momentaneamente.

En fin, deixando tamén outra baliza da BTT, chegamos á sección mixta de kaiak e treking, na que Patri descansou. Aquí teño que entonar un "mea culpa" polo erro garrafal de sair co kaiak hacia o lado oposto a onde estaban as balizas. Non ten explicación e agora non vou tentar darlla. Foi unha cagada e punto. Pero nos fixo perder un tempo precioso, polo que tampouco nesta sección collimos todas as balizas. Iván estaba que mordía, con razón, pero como estou casado coa súa irmá, se me asasina ao mellor hai represalias...(só ao mellor)
Igrexa de Sta. María de Monfero

Para min comezou entón a sección máis longa (ata aquí isto é certo obxectivamente) do raid. Camiños que non aparecían, curvas que eu non vía, desvíos pantasmas agochados atrás de vacas... Un desastre, non só polo longo da sección e polo tempo que nos levou, senón porque enriba de non coller as balizas, nos pegamos unhas palizas de subidas por cortalumes para chegar, por fin, á transición para a última sección.

Como todo o raid foi lineal, non tiñas esa tentación da última sección de dicir "puff, non sei se daremos chegado a todas, imos por un par de balizas e voltamos a meta antes de que pechen". Non, tiñamos que chegar á meta, colleramos todas ou ningunha. E collimos algunhas, pero non todas. Eu máis rápido non podía ir, ainda que Iván dí que  teño a  capacidade de sufrimento dunha esponxa (ou sexa, ningunha...) pero sei que este raid se me fixo duro, moi duro.

Ao final, chegamos a meta con 5 minutos de marxe, e na clasificación final, de 18 equipos en categoría élite, quedamos 15º... Absolutamente mellorable en vindeiras edicións.

ÁNIMO!!