Algo non vai ben dentro da miña cabeza. E tampouco fóra dela. Ao poñer a roupa tirada aos pes da cama, vexo que me queda pequena. Fodidamente pequena. Meu, isto é raro de collóns. Vou ver agora mesmo o armario roupeiro que hai no cuarto. Mi madriña! Son todos traxes coma os dos executivos, chaquetas e pantalóns dunha cor entre gris clara e escura, e montóns de garavatas de distintas cores. Pero qué carallo pasa aquí. Eu teño 1 traxe, o dos mortos que lle chamo eu; está caseque novo, xa que tampouco é que vaia tódolos días ao enterro dun familiar ou coñecido, pero o teño (debería empezar a dicir tiña?) para esas ocasións unicamente. A min o que me gustan son os pantalóns deportivos, sudadeiras con capucha e zapatillas deportivas cómodas, estilo Mizuno ou Asics (que lle queres, son un pouco elitista para iso). Ademáis, é o que mellor me vai para o que fago, para o meu traballo, se se lle pode chamar así.
No hay comentarios:
Publicar un comentario