Si non o leo, non o creo!!

Volvéume pasar. Parece incrible, pero xa son dúas veces en dúas semanas. O extraño é que fosen semanas seguidas. Se isto segue así, haberá que considerar seriamente un cambio de tendencia, de consecuencias imprevisibles.

Non son quen de explicalo, pero os últimos dous comentarios de Javier Marías no semanal "El País" das dúas últimas semanas me gustaron.

Non digo que en cada parágrafo desfrutase das súas palabras, pero o fondo da cuestión tratada en cada caso coincide en maior ou menor medida co que penso eu. Isto pode resultar algo inquedante para  min, xa que ata o de agora, os artigos de Javier Marías me producían, no mellor dos casos, un cabreo monumental. Pero hai que recoñecer que o tipo sabe provocar e polemizar. E para facelo ben, un ten que ser moi bo coas palabras. Iso llo recoñezo.

O que non pensaba que pasaría é que de súpeto estivese dacordo nas súa argumentación, e menos que sexa en dúas semanas seguidas. Se isto segue así, terei que replantexarme algunhas cousas.
Normalmene leo as columnas de varios semanais, de distintos autores. A algúns lles teño cariño e outros, a verdade (entre nós), me producen indiferenza. Pero os artigos de Marías os lía (o confeso) coa mirada suxa (canto dano fixeron "Os Serrano") agardando atopar calquera resquicio de ese arume rancio que ás veces desprenden. Levo bastante tempo facendo ese exercicio os domingos e nunca ata o de agora atopara motivos para expoñer esto que estou a confesar agora. Por iso para min ten máis valor, ainda que non sei onde vai ir a parar.

Pero polo de pronto me produce un certo pracer insospeitado descobrer esa idenficación nos temas que tratou Marías.

Coincidencia? Non o creo...pero por si acaso, seguiremos informando...