De qué(n) te ríes?

Este sábado estivo Alex de la Iglesia no programa de TVE "Versión Española" presentando Crimen Ferpecto

Despois da película de turno, sempre hai un encontro entre a presentadora, Cayetana Guillén Cuervo (guapísima actriz pero para mín, mellor presentadora do programa...) e os responsables do film. Neste caso, Alex de la Iglesia e Guillermo Toledo. A película non é unha obra mestra, pero foi entretida. Fin da historia.

O tema non foi a película. Do que me din conta é que dentro da cachola de Alex de la Iglesia pululan un sinfín de ideas, algúns traumas e non poucas manías, pero que conforman unha personalidade que non che deixa impasible. Pode non gustarte ou que te encante o que fai e o que di, pero non te deixa indiferente. Lémbrame a alguén que coñezo dende hai tempo...

Unha das cousas que dixo e que seguro que moita xente saiba (pero para mín foi unha nova..) é que para él, toda situación cómica e que produce risa sucede a partir de algo dramático e/ou violento. É unha verdade coma un puño (pero non vai a ir a esa sección do blog soamente). Dixo tamén que é moito máis difícil facer que un actor/actriz dramático pase á comedia que ao revés. Por qué? Pois él dixo que é máis difícil facer rir que facer chorar. E que un actor/actriz que controle os rexistros para facer comedia é moi capaz de facer drama, e ben feito.

Curioso, non? De feito, está agora mesmo rodando un "drama" que terá de protagonista a.... José Mota. Haberá que velo...