Saga Harry Potter 1

Como non podía ser doutro modo, tiña que terminar falando nalgún momento dos libros (e films) de Harry Potter.

Hai moito (como 7 anos) que comecei a ler os libros de Harry Potter. Ao principio foi unha decisión case tomada á forza, debido á moita fama que tiñan os libros, pero a verdade, non me apetecía nada ler unha historia dun neno orfo que malvive cos seus horribles tíos e o pampo do seu primo Dudley, nun barrio extrañamente normal na periferia de Londres. Tampouco me chamaba a atención saber que no libro ía haber escobas voadoras, un novedoso xogo chamado quidditch e maxia, moita maxia. Pero os lin, e  velaquí o que me foi sucedendo:

Ao terminar o primeiro libro, Harry Potter e a Pedra Filosofal tiven que recoñecer varias cousas:O libro enganchoume dende o principio, ainda que debido a cantidade de termos novos que aparecen pasei varios días coas ideas sobre quidditch engrelladas... que si snitch, que si quaffles...

O sistema de estudos inglés (e doutros países) está fielmente reflectido no libro, así como o ambiente de internado, con grupos moi definidos dentro do colexio: Griffindor, Ravenclaw, Slytherin e Huffelpuff, que o que fan é categorizar ao alumnado segundo unha especie de rito de iniciación na escola. Un sombreiro máxico "decide" a que casa das anteriores vai un alumno/a segundo as súas inclinacións máxicas.

Neste primeiro libro se presentan case tódolos personaxes que terán un lugar destacado en toda a saga. O ritmo do libro é trepidante, directo e con capítulos curtos, que axudan a que a súa lectura sexa apresurada.

Teño que recoñecer que me sorprendeu gratamente a lectura (ademáis os dous primeiros libros os lin en galego) e me fun convertendo nun fan da saga potterica.

Hai multitude de páxinas en internet sobre harry potter, tanto dos libros como das películas, pero para min as mellores son:
Harry Latino : Unha páxina con multitude de información sobre tódolos libros e tamén sobre as películas. Un paraiso para os fans deste universo.
El diccionario : unha páxina incrible con todo o que é canon (oficial segundo a autora) e tamén o que non o é con respecto a todo o mundo de harry potter. Si algo non aparece no diccionario, non o busquedes noutro lado.

Despois de ler o primeiro libro tiña algo claro... debía conseguir o segundo xa!
e así foi (de feito, isto é literatura, xa que meu irmán me deixou os dous primeiros libros á vez).

Harry Potter e a cámara dos secretos (traducida malamente como Harry potter e a cámara secreta en castelán) é un libro que, ao igual que o primeiro, presenta un hogwarts luminoso pese as tribulacións que lle suceden ao protagonista. É curiosa a obsesión que a autora ten coa soidade do heroe (creo que non se lle pode chamar tampouco obsesión; supoño que é un dos recursos que usa durante toda a saga para ternos pegados aos lectores aos libros). Tamén me chamou a atención cómo J.K. Rowling comeza a expoñer a trastenda menos agradable deste mundo imaxinario (non tan lonxano ao actual) coas desigualdades e discriminacións entre muggles e magos, e tamén a posición de élite dos magos con respecto ao resto de criaturas máxicas do mundo de rowling.

Aparecen ademáis neste libro elementos que máis adiante (no libro 6º...) serán cruciais para a historia grande (a saga propiamente dita).
Como podedes imaxinar, estes primeiros libros tratan do inicio do personaxe no mundo máxico: variñas, escobas voadoras, criaturas máxicas, o colexio hogwarts... e o fan desde a perspectiva dun neno de 11 anos.