II Raid de Xermade (24/03/2012)

O pasado sábado 24 de marzo tivo lugar o II Raid de Xermade, dentro da liga galega de Raids de Aventura.

Foi o meu primeiro raid e teño un monte de sensacións. A ver se son quén de ir ordenándoas pouco a pouco.

O primeiro de todo é agradecer a Fabiola a súa presenza. Se non demos feito máis non foi polas súas ganas nin a súa dedicación. Mágoa que o resultado non acompañase.
O segundo que necesito dicir é que ¡Mi madriña! que duro é facer un raid...Me esperaba unha proba dura (xa o sabiámos polos boletíns informativos que nos ían poñendo: 5 seccións, 75 km aprox, lineais, tramos de bici-trekking-kaiak-trekking-bici...etc.) pero unha cousa é lelo nun boletín e outra moi distinta é facelo.

Comezamos puntualmente ás 10:00 h da mañá, a primeira sección foi relativamente sinxela (picar 4 balizas nun recorrido aprox. de 3 km), e non iamos nada mal de tempo. Ademáis, grazas a Fabiola tiñamos bonificación en tódalas seccións. Así que cambiamos de compoñente do equipo e saímos Iván e máis eu a facer a segunda sección, de BTT (Bici de Montaña). Na primeira costa abaixo comezaron os problemas para mín... o portamapas da bici se movía, polo que tiña que ir máis atento a aguantalo que ao mapa en sí mesmo. De tódolos xeitos, nas primeiras 4 balizas non houbo problemas e levavamos un bo tempo. Pero nalgún punto me desubiquei no mapa e ahí comezaron tódolos problemas. Chegamos ao segundo punto de control e de cambio de sección con 1 h e media de retraso, co que xa comprometeramos o resto do raid....

Cando Iván e FAbiola comezaron a 3ª sección (trekking de 10 km) eu non sabía si rir ou chorar... pero decidin comer un pouco (para quitar ferro) e beber moito (para ir pasando a comida...). Xa que na sección de trekking eles tiñan pensado facer o mínimo (picar un par de balizas e volver, para tentar recuperar algo de tempo) arranxei a colocación do portamapas no manillar e pouco máis. Encher de novo o camelbak e sair con Iván á sección 4 (bici-trekking-kaiak-trekking-bici), a máis longa de todas e tamén a máis esixente.

Ahí me decatei que o dos mapas na bici tiña un compoñente co que non contara. As distancias se reducen moitísimo ao ir en bici, e hai que estar máis atento (se se pode) que cando vas en carreira ou trekking. O feito foi que primeiro pinchamos (eu pinchei...) e ainda non comezaramos no tramo de mapa que tocaba...pero ao final logramos encauzar o tema, e ainda que iamos atopando as balizas, levavamos moito tempo perdido, e ao chegar ao punto de cambio de bici a trekking, xa fomos advertidos que caseque seguro non nos daría tempo a chegar ao kaiak (mal por nós -eu tiña gañas de probalo...- pero peor para Fabiola, que se desplazara ata As POntes para relevar a Iván nesa sección). Así que decidimos picar 1 baliza do tramo de trekking (había 2 balizas neste tramo) e volver. Pero entre que nos costou un mundo atopar a baliza de marras (o tramo de trekking me pareceu especialmente duro) e que cando recollimos de novo as bicis e volvíamos para o cambio na última sección, volvín pinchar. Como son moi mañoso, cando cambiei a derradeira cámara de reposto, trillei a p*** cámara. Resultado? Nun camiño perdido no monte, ao final dunha costa que baixaba do parque eólico, estabamos dispostos a parchar unha roda e dar por finalizado o raid.

Menos mal que ainda hai xente boa polo mundo (e máis polos raids) e uns compañeiros de non sei qué equipo (pero aos que penso devolver a cámara no seguinte raid) nos prestaron unha cámara nova e puidemos chegar ao punto de control. Pero alí nos dixeron que probablemente non nos dera tempo a facer a última sección, e que si chegabamos á meta máis tarde das 19:30 h. (fóra de control) nos anulaban a sección, polo que decidimos poñer fin a esta primeira experiencia (para mín) nos raids.

Balance? Teño gañas de que chegue o seguinte raid. E teño medo do que poida pasar.... pero isto mola!!! O que non sei é que pensan os meus compañeiros...pero lles dou de novo as grazas, a Fabiola por axudarnos e por ter sempre unha palabra de ánimo e a Iván por non matarme cando nos metimo polo río arriba....

Teño que facer tamén unha mención especial aos outros responsables de que ande metido nisto. O equipo Os foghetes fixeron un raid moi bo, e tanto Roberto como Saba (e tamén Noe e Javi) nos animaron todo o rato. Moitas grazas. Hai futuro...